Page 119 - SicilianaEneide

ognunu nto so ramu nta li cosi
di lu tirrenu munnu e di lu celu,

ma tegnu a diri ca nun esti chista

la cosa da capiri pirchì tutti
sapemu compiti, putiri e noti

d'ogni Diu cca prisenti. Ma la cosa

ca forsi nun ha statu recepita

é ca putemu tuttu, ma non contru
lu Fatu ch'é suvranu e detta liggi.

(Guarda sottecchi la muggheri Giunu,

comu pi diri: ascuta attentamenti,
ca stu discursu ti riguarda in chinu!)

Nui, padreterni, nun putemu nenti

scumpaginari di l'apparicchiatu
sorcu ca fu tracciatu di lu Fatu.

Semmai chiamati semu a secondarlu.

Pirtantu sbagghia cu' s'opponi a forza
a la teucra trasuta nta lu Laziu,

pirchì sta scrittu e nun si po' sfatari

ca di ssu fattu ni deriva Roma

e tuttu chiddu ch'é rumanu in terra!
Pi chistu Troja fu distrutta e giaci,

pi chistu Enea salvatu vinni e vivi.

Lu fari sangu, l'ammazzari in guerra
nta stu casu mi pari furzatura.

Tra nui parramu di stu fattu e speru

ca fora nesci nu decretu giustu

su quantu s'havi a fari oppuru noni.
Veniri adergi di lu scannu e dici:

- Sugnu d'accordu sommu patri Giovi!

Lu Fatu s'havi a fari prusiguiri

pag. 128