Page 115 - SicilianaEneide

Pandaru e Bizia

Turnu imperversa

Pandaru e Bizia, giganteschi frati,

e s'appustaru a l'anti cu li spadi

mazzziannu a morti l'accurrenti Volsci.
Li morti ammunziddati orrendamenti

sunu, ma Turnu arriva atroci e torvu

ca Bizia stenni cu nu corpu sulu.
Pandaru allura la porta chiudi a tappu,

ma nta la prescia fora lassa troj,

ca furunu ammazzati comu cani,

e dintra Turnu resta, ca cu la spada
la testa tagghia a Pandaru a mitati

e dopu comu nu turrenti in china

s'allanza contru li trujani e siddu
pinsatu avissi a grapiri la porta

di certu ddocu fini avia la storia

d'Enea troicu rumanu ca murtali
avissi statu la scunfitta licia.

Turnu non pensa! Ad ammazzari intentu

a centru si frapponi di lu campu
e pari na culonna ca non crolla

pirchì Giunoni lu pruteggi e duna

sempri chiù forza e viguria ad iddu.

Ma dall'Olimpu Giovi si n'adduna
ca Giunoni, la spada vurticannu

di lu furenti Turnu, stragi faci

immensa di Trujani e temi giustu
ca po' sfalliri lu distinu scrittu.

Na manu allonga nta lu Laziu e pigghia

pag. 124