Page 110 - SicilianaEneide
P. 110
Libru ottavu
Turnu attacca l'accampamentu troju
Non sfuggi a Turnu ca lu campu troju
senza prisenza di lu capu fui
e pi cunsigghiu di la stissa Giunu
li truppi schiera ed all'assartu curri
di la marina ch'é tinuta in ansia
cu l'armi priparati all'evenienza.
Comu lu lupu cumpattannu va
lu brancu rattu c'all'assaltu curri
contru l'ovili di trimanti agneddi,
accussì Turnu supra lu cavaddu
appari e grida di na parti all'autra
di l'attaccanti esercitu latinu.
Di colpu scorgi l'attraccati navi
e cu l'intentu di bruciarli pigghia
na fumicusa torcia e spingi tutti
a spargiri lu focu supra d'iddi,
ca daccussì sulu la morti ponu
spirari di truvari l'invasuri.
Ma nun pirmisi di Cibeli u Numi
c'abbrucinu li ligna di li navi,
ca foru fatti d'arvuli di pinu
di lu so boscu cunsacratu e vivu.
Idda cuncessi ca li navi in ninfi
trasfurmati nta l'acqui teverini
putissiru tummari e scumpariri.
La turba c'assaltava si firmavu
vidennu ddu purtentu veru stranu
pag. 119
