Page 112 - SicilianaEneide

e ca disappruvava dda truvata,
ma Turnu dissi ca lu divu Tebru

indicazioni dava d'impidiri

a li trujani di scappari ancora.
Scurri lu tempu 'ntantu e notti scinni

caliginusa e tetra e Turnu ferma

l'assaltu pi turnari a jornu novu

a fari stragi di l'udiati turchi,
ca cercanu d'intantu rinfurzari

lu muragghiuni ch'é di lignu fattu.

Li luci di bivaccu nta la notti
cumparunu nta l'unu e l'autru campu.

Eurialu e Nisu

Durmevanu tranquilli li latini,

sicuri ca dumani vincituri

lu celu li videva e pinsirusi
inveci allerta stavanu li troj,

ca circundati d'ogni latu sunu

e senz'Enea ca nenti sapi e poti.
Eurialu e Nisu giustu pinsamentu

d'avvisarlu ci vinni nta la menti,

attraversannu nottitempu l'orda

nimica addumisciuta, e ni parraru
a Julu, c'appruvavu la surtita.

Armati d'armi curti, li du amici,

e d'arcu e di turcassu cu li frecci,
ca chiù c'amici frati foru sempri,

comu sirpenti nta la notti funna

supra l'erba sciddicannu vannu

e nta na tenda trasunu silenti.
Ddocu li spadi, cu mastria maniannu,

pag. 121