Page 107 - SicilianaEneide

ca fatti foru li patti d'allianza,
cu fastu cilibrati e riti magni,

davanti all'ara Carmentale, a Gianu,

nto Campidogliu, la Tarpeica rupi,
lu Foru, li Carini e lu Sacrariu

cu la sfilata Salica saltanti

e li celebrazioni di Saturnu

e di la lotta d'Erculi e di Cacu,
ca ddocu avvinni nta l'età di l'oru.

All'alba ripartivu lu re Troju,

cuntentu di li patti e li rinforzi,
ca poti facilmenti manuvrari

p'assartari a li spaddi li latini

c'avissiru attaccatu li so navi.
Veniri cunsigna ad Enea l'armi novi

Ma prima di partiri avvinni 'n-fattu
viulentu ca scantari fici Evandru.

Nto celu ch'era calmu d'impruvvisu

'n-lampu si vitti ca squarciò li nubi
e risplindenti cumpareru l'armi

cumpleti di curazza, d'elmu, scudu,

spada e schinieri cu pinnacchi e pupi.

Lu vecchiu Evandru già pinsava mali,
ma lu tranquillizzavu Enea dicennu

ch'era so matri, Veniri divina,

ca l'armi ci purtava, comu dissi,
commissionati d'idda o Diu Vulcanu.

Capivu Evandru e puru li cumpagni

ch'era assistitu di l'Olimpu Enea.

Dui gruppi fici Enea di li truppi:
li fanti cu li navi s'imbarcaru

pag. 116