Page 108 - SicilianaEneide
P. 108
supra lu ciumi pi turnari arreri
e bighi e cavaleri inveci a via
di strati tra li selvi s'avanzaru,
cu d'iddu ca li guida risplindenti.
Sfilaru tra li casi a Pallanteu
tra dui ali di populu inneggianti;
a Ceri si firmaru pi bivaccu
e cca l'eroi s'apparta pi guardari
l'armi splindenti di Vulcanu fatti.
Lu scudu d'Enea
Lu scudu ammira dunni lu firraru,
maritu di ciprigna, edottu resu
di lu futuru storicu sviluppu
di Roma sempiterna, rapprisenta
li vicendi ca sunu da viniri.
Ddocu si vidi la Lupa c'addeva
dui gemelli, di Romulu l'aratru,
lu rattu de Sabini, di Fufeziu
la morti, Clelia e l'ochi starnazzanti.
Di latu ancora vidi i lupercali,
li Salii, li Flamini, lu Tartariu
regnu cu dintra Catilina torvu
ed Elisiu, mustranti di Catuni
l'onestu aspettu e lu canduri arcanu.
A centru, di delfini e mari sguardu
si llinchi di cu' guarda st'ornamentu.
Chiù sutta d'Aziu la battaglia vidi
ed Augustu ed Agrippa e Febu attentu
ca li rumani truppi guida contru
Parti e barbarici surdati d'Asia.
Enea ca vidi nun capisci nenti
pag. 117
