Page 121 - SicilianaEneide
P. 121
Ognunu parra e sbommica discursi
opposti e sdisinsati senza dari
la giusta soluzioni a lu prublema
ca stabilisci lu cunfini veru
tra Fatu scrittu e putistà divina!
Pirtantu é giustu e nun é giustu
lu cuntrastari tra Latini e Teucri,
a secunna di chistu e chiddu Diu!
Sintuti li pareri sona Giovi
la campanedda ed azzittisci a tutti.
Indi si susi ed accussì decreta:
- Tinutu cuntu ca lu Fatu vanta
dirittu imprescrittibili d'aviri
accadimentu certu e nui divini
putenza nun avemu di cangiarlu,
vistu ca li pareri su' discordi
supra la guerra tra Latini e Teucri,
conformementi a quantu sempri fattu,
decretu ca l'Olimpu tuttu resti
fora di sta vicenda e ca lu Fatu
sia la vilanza sula di li fatti.
Nun é cuncessu a nuddu d'intralciari
lu corsu di l'eventi e così sia! -
Comu sempri pulemichi ci foru
tra l'abitanti di l'Olimpu sciolti.
Arrivanu i nostri!
Intantu nta lu lidu li Latini
assaltanu cu sempri chiù furori
li poviri mischini di li Troj,
ca quasi sunu cu li pedi a moddu
nta lu lidu, accerchiati di li truppi
pag. 130
