Page 125 - SicilianaEneide

lassannu arreri morti e distruzioni,
tali rigatu lassa lu tirrenu

Enea di sangu e spirtusati corpi.

Chiù di cinquanta cascanu murenti
sutta li colpi di la spada atroci

ca nun pirduna e mancu duna requie,

ma Turnu nun s'attrova nta lu campu,

ca pari c'abbulavu nta lu celu,
ne ritruvari lu puteva in quantu

Giunoni avia scinnutu di l'Olimpu

e traspurtatu nta lu patri Daunu.
Giunoni salva Turnu

Quannu Giunoni vitti lu fururi
d'Enea e li morti siminati d'iddu,

cunvinta ca la fini avissi statu

di Turnu senza menu nta ddu jornu,
Circavu a Giovi nta l'Olimpu e dissi:

- Lu to cumandamentu di lassari

ca scurrunu l'eventi comu Fatu
voli, mi duna pena immensa o Giovi.

Lu sacciu ca lu Fatu nun si cangia,

ma ca si poti ritardari leci!

Volgi lu sguardu nta lu campu dunni
si staci cummattennu e guarda a Turnu.

Ju vogghiu sulamenti ritardari

la morti ca lu Fatu decretavu
di st'eroicu picciottu ca m'é caru.-

- Va beni!, dissi Giovi, ma fa prestu

e sopratuttu nun esagerari! -

Grata Giunoni, in terra scinni e pigghia
l'aspettu fisicu d'Enea, ca fingi

pag. 134