Page 124 - SicilianaEneide

ca Turnu grida di lassari ad iddu
lu scontru cu Pallanti pi puniri

lu padri Evandru di lu tradimentu

ca cunsumavu contru Grecia e Laziu.
Pallanti avanza curaggiusu e forti

senza timuri d'affruntari a Turnu

lu chiù pussenti Rutulu nto campu.

Lu picciutteddu replica all'accusi,
ca facissi di menu u fanfaruni

e ca pinsassi tostu a la parata

di l'assistata lancia ca ci jetta.
Lu dardu di Pallanti nta lu scudu

s'azzicca di lu rutulu e lu fora,

ma nun ferisci l'omu ca sfirrannu
lu colpu di risposta nta lu pettu

lu picciutteddu azzicca ca stramazza.

Svillennu l'asta accuminata Turnu
grida: - Ad Evandru ripurtati u figghiu

ca la so morti é sufficienti a dari

giustu cumpensu a tradimentu fattu.

Donu ci fazzu di la sipultura
e sugnu puru ginirusu e giustu! -

Accussì dici ed a Pallanti scippa

lu balteu ca pinneva di lu coddu
e si ni fregia cu spavalderia.

Giungi veloci di dda morti l'ecu,

ch'era Pallanti canusciutu e notu,

ad Enea, ca cicatu di duluri
nto campu cerca d'arrivari a Turnu.

Comu un turrenti ca travolgi tuttu

e tuttu ammogghia cu viulenza estrema

pag. 133