Page 127 - SicilianaEneide

d'evitari lu scontru contro Turnu.
- E chi fa scappi?, dissi Turnu allura,

tu, c'assicuti fimmini, mi scappi?

Ju non ti moddu fin'a ca non mori
pi manu mia nta stu precisu jornu! -

Lu fintu Enea s'addentra nta na navi,

lu segui Turnu senza dari tregua,

ma la navi si movi e sula curri
mentri ch'Enea scumpari ed Era appari.

La Dea ci dici di purtarlu a casa

pi salvarlu di la sicura morti.
Si tira li capiddi Turnu e chiangi,

ca sta scappannu senza ca lu sapi,

pirdennu facci ed onoratu vantu!
Morti di Lausu e Mezenziu

Mezenziu etruscu, a Turnu scumparutu
subentra cu putenza e stragi faci

di nimici chiamannu a vuci Enea.

- Nun t'ammucciari, dici, fimmineddu
teucru, capaci sulu di scappari

e d'acchiappari fimmini indifesi! -

E daccussì dicennu assesta colpi

di spada e di murtali mazza. Quannu
davanti cumparivu Enea lucenti

d'armi e di scudu - Finalmenti, dissi,

ti vidu bruttu latru. St'armi vogghiu,
ca certu preda sunu di rapina,

pi ricurdari a Lausu la to morti. -

Accussì dici e scaglia accuminatu

dardu ca ribummannu nta lu scudu
ammazza inveci Antori ch'era accantu.

pag. 136