Page 131 - SicilianaEneide
P. 131
di riali a re Latinu, ca l'accolsi
fraternamenti e dopu cu la spada
vinni assaltatu senza mutivanza.
Si c'é qualcunu ca non voli chiù
ristari signurinu, lu prijamu
d'accittari la sfida di lu Troju
e dari fini a sta mulesta guerra,
ca sulu peni sfurna, morti e luttu. -
Proposta di re Latinu
Finutu di parrari, Dranci, capu,
oggi dicemu, di l'opposizioni,
cuntrariu a Turnu ca lu detestava,
lu re Latinu pigghia la parola
e circannu di dari soluzioni,
c'accordi cu la vutti lu timpagnu,
proponi d'assignari terra, quantu
basta, a li Troj pi dari ad iddi paci,
suddisfacenti scusi ed amicizia. -
Ma Turnu pigghia la parola e dici:
Turnu rimbecca ed abbannuna l'assemblea
- Dranci tu ca sai fari guerra sulu
a vuci e si' capaci d'affussari
la patria cu discursi strani, mentri
mumentu é chistu d'essiri concordi,
t'additu a tutti comu tradituri.
A tia l'incaricu fu sulu datu
di concordari tregua pi li morti
e non pigghiari accordi cu pirati,
vinuti sulamenti pi rubari,
comu fu fattu a Sparta tempu arreri.
pag. 140
