Page 133 - SicilianaEneide
P. 133
Si ritorna a pugnari
Pianu strategicu d'Enea
Focu s'attizza la secunna vota
da lu devianti rutulu addumatu!
Curri la Fama nta lu campu Troju,
ca tuttu cunta di lu parlamentu
e chiddu ca si dissi e ca si fici.
D'attaccari Laurentu Enea decidi
e porri fini daccussì a la guerra.
Li cavaleri schiera in campu apertu
contru li mura arditi di Laurentu
cu l'intentu cridutu d'attaccarli,
mentri li fanti dalla parti opposta
iddu stissu cumanna pi sfirrari
l'attaccu risulventi allantrasatta
e trasiri in citati vincituri.
Contromossa latina
Capivu Turnu lu tuscanu pianu
e cu perizia rinfurzò li mura;
indi a Camilla l'ordini ci detti
di rintuzzari cu li cavaleri
l'attaccu in campu apertu di li troj,
mentri s'apposta nta l'antichi furchi
aspittannu l'arrivu di li turchi.
Camilla
Era Camilla vergini ciuciara,
nata e crisciuta supra li cavaddi,
cu l'arcu nta li manu e la faretra,
da Metabu so patri, cara a Diana,
ca prutiggeva la so vita curta
pag. 142
