Page 130 - SicilianaEneide

Turnarunu cuntenti li latini,
ca li guidava Drance c'appruvava

e prumitteva na risposta chiara.

Teucri e latini, ognunu nto so postu
onuri dettiru a li morti in paci.

Fu rimannatu mortu a Pallanteu

lu corpu di Pallanti in pompa magna,

unni fatali fu l'eventu accettu
ed onoratu comu eroi cadutu

fu lu picciottu pi la patria santa.

Dranci indici

lu cunsugghiu generali di Laurentu

Lu fumu in celu acchiana di li piri

apparicchiati nta lu lidu e puru

nta la citati di Laurentu. Drance,
ca richiamavu in sedi Re Latinu,

indici lu cunsigghiu di lu statu

e cu lu tonu di l'opposizioni
daccussì parra: - Onori damu certu

a cu murivu cummattennu amici,

puru siddu la guerra nun é giusta
pirchì cu' mori pi la patria é santu

pi vuluntà di populu e di Giovi.

Ma c'é cu culpa ci havi di sti morti,

c'arrusbigghiavu Marti ca durmeva
e poi scumpari dunni chiù furenti

sunu li scontri nta lu campu apertu.

Enea proposta fici di paci e noni
guerra, ca non vuleva e ca non voli.

In paci vinni cu li manu chini

pag. 139