Page 137 - SicilianaEneide

Murenti trova l'accurrenti Arrunti,
la vergini Camilla ca ci dici:

- Moru cuntenta d'essiri azziccata

di lu to ferru smarruggiatu e feru,
ma tu mi segui ca m'aggradi infini,

pirchì mi guardi cu passioni vera

e tu cummatti pi fundari Roma.

Non sulu morti ma piaciri duni
a mia ca vidu nta st'arcanu istanti

la gloria di sta terra ch'era vanu

difenniri da cu' la voli granni.
Mori Camilla e chiangi Arrunti ad idda

ca vuluta l'avissi trapassari

cu l'asta di l'amuri e non di morti.
Ma lu chiantu ci resta nta la gola

pirchì stramazza mortu supra d'idda

cu 'n-azziccatu strali nta lu coddu.
Fuga di la cavalleria latina

La morti di Camilla nta lu campu
scuraggia li Latini ca scantati

ritornanu a Laurentu senza capu.

A Turnu la nuvena di dda morti

agghica e pensa di turnari arreri
pirchì li Troj sutta di li mura

sunu arrivati di Laurentu, pronti

a trasiri vincenti nta li strati.
Mentri ca Turnu si ritira, agghica

Enea ca marcia senza opposizioni

versu Laurentu cu li fanti toschi.

Si squadranu a distanza e di luntanu
li dui nimici ca custretti sunu

pag. 146