Page 142 - SicilianaEneide
P. 142
l'acculurata manu di l'Aurora
ca scorgi nta lu campu li Latini
schierati cu li lanci affissi in terra
con appuggiati li clipperi jusu.
Di fronti stannu in positura stissa
li Troj e li tuscani. A centru l'ara.
Apparicchiatu é tuttu pi lu scontru.
Giovi, chiamatu a giudicari, assisti
supra lu tronu assisu e guarda a vista
Giunoni e Veniri custanti e prontu
a preveniri mossi di straforu,
(ma ca non sapi ca lu maccu é fattu!)
Giuramenti
Enea s'appresta all'ara e dici: - Giuru
supra la testa di me figghiu Julu,
supra li Dei Penati prutitturi
davanti a Giovi tistimoniu sommu
ca siddu perdu mi ritiru in terra
tosca cu l'armi, li navigli e tuttu
e siddu vinciu restu nta lu Laziu
e, cunsintennu re Latinu, in veru
la figghia so Lavinia mi maritu
e nova Troja, ca Lavinio nomu,
mi sia cuncessu di fundari in paci.-
Approva re Latinu e giura a Giovi
di mantiniri quantu dici Enea.
Comu si vidi, lu Trojcu si batti
sulu p'aviri l'ospitalitati,
ca re Latinu resta sempri regi!
Dopu lu giuramentu, in armi resta
a centru sulu Enea c'aspetta Turnu.
pag. 151
