Page 146 - SicilianaEneide
P. 146
Amata s'impicca
Vidennu Amata supra di li torri
non chiù latini ma trujani in armi,
pinsavu ca re Turnu fussi mortu.
Na corda pigghia di robusta canapa,
l'appenni nta na travi e ci s'impicca.
Si fu rimorsu oppuru raggia, nuddu
lu sappi diri ne lu tramandavu.
Arriva a Turnu la nutizia fera
di la scalata di li mura e voli
turnari in forzi versu la citati,
e pigghiari di spaddi li Trujani.
Giuturna lu scunsigghia e dici megghia
la stragi ca sta fannu di tuscani.
Turnu decidi di iri a difenniri Laurentu
- La cosa non po' siri, o soru mia,
non pozzu chiù sfuggiri lu distinu
currennu a destra e manca, dissi Turnu,
ed ammazzari qualche surdateddu
mentri ca sta cascannu la citati.
Ju Turnu sugnu e nun Enea ca scappa
mentri s'affossa e peri la so patria.
Ordunqui levati di ddocu e lassami
difenniri Laurentu ad ogni costu! -
Finisci finalmenti la liti
di lu pumu d'oru tra li tri Dee!
Á stu puntu Giunoni lacrimannu
ca stringiri videva lu distinu,
a Veniri ci dici: - Nautra vota
vincenti resti comu quannu d'oru
pag. 155
