Page 148 - SicilianaEneide
P. 148
ma sbagghianu lu centru ca luntanu
accogli lu tirrenu li dui dardi.
Si fermanu li bighi e scinni ognunu
cu scudu e spada armati sulamenti.
Sunu davanti infini all'arma bianca
li dui nimici dichiarati e feri.
L'armi d'Enea durati e rilucenti,
la luci di lu suli riflittennu,
lampi di morti mannanu sinistri,
e di suduri friddu la carina
percossa senti Turnu, ca lu squadra
e, nonostanti lu timuri, studia
unni assistari cu la spada 'n-colpu
firali ed assurtatu contru l'osti.
Nudda parola nesci di li vucchi,
nuddu lamentu, invocazioni e gridi,
sulu rancori ed odiu nta li facci.
Li spadi infini partunu all'assaltu
e li scintilli chiovunu nto campu,
ca cozzunu tra d'iddi e cu li scudi.
Ribummanu li colpi e l'ecu acchiana
e scappanu l'aceddi spavintati
mentri ristagna la battaglia in campu,
c'a vucca aperta tutti si firmaru
a rimirari lu furiusu scontru.
'N-corpu di spada chiù putenti supra
lu scudu di l'Anchisidi l'intacca,
ma la spada si rumpi in milli pezzi.
Invanu cerca nautra spada Turnu;
si vidi persu allura senza nenti
nte manu p'attaccari e scappa tostu
pag. 157
