Page 147 - SicilianaEneide

lu pumu t'ammuccasti. E'certu veru

dunqui ca vinci sempri nta lu munnu

e nta l'Olimpu la biddizza vana
supra putenza e scienza. Giustu dici

lu pruverbiu ca tira chiù di centu

tori nu sulu fimminili pilu!
Ma vogghiu lu cuntentu di sta storia,

c'annunca nun mi quetu e fazzu trazi

all'infinitu finu a quannu munnu
esisti e nun s'acqueta di girari

Apollu, nostru frati, cu la biga

nta l'azzurratu celu suttastanti.

Murissi Turnu comu voli u Fatu,
ma scumparissi puru u nomu Troja

"in saecula saeculorum et semper"

e nun di "civiltà Trujana" dopu

s'havi a parrari nta lu munnu interu,

ma sulu di "rumana magnitudo"
Tantu mi basta e mi suddisfa in chinu!

- La testa cala Veniri divina

e finalmenti paci nta l'Olimpu

vinni sancita e chiusa la diatriba
supra l'assegnu di lu pumu d'oru!

Minerva, suddisfatta puru, aspettu

pigghiavu di Giuturna, in malu modu
la sdirrubavu di la biga e Turnu

purtavu nta li mura di Laurentu.

Morti di Turnu

Lu vidi Enea ca versu d'iddu curri

e l'asta lancia, comu faci Turnu,

pag. 156