Page 144 - SicilianaEneide
P. 144
ca, mortu Turnu, chistu, capizzuni
havi appruntatu pi lu Laziu interu? -
Ricumincia la zuffa
Mentri ca parra di lu gruppu parti
na freccia contru la trujana schiera.
Mortu ammazzatu e disarmatu cadi
nu figghiu di Gilippu. La risposta
vinni repenti e tutt'e dui li schieri
l'armi pigghiaru. - Fermi, dissi Giovi
a Veniri e Giunoni, stati boni!
Lassati ca li cosi vannu comu
vannu! Sbrogghi lu Fatu sta matassa! -
- Fermi, Enea dissi a li surdati, fermi
ristati e rispittamu i patti ditti!
Lassati l'armi in terra c'a mia sulu
tocca la pugna contru lu re Turnu. -
Enea firutu
Li vrazza leva in celu p'arristari
lu mari di surdati scatinati
e mentri parra lu culpisci in siccu
na freccia ostili nta la jamma dritta.
Lu sangu schizza e tracutanza crisci
in Turnu, ca nun s'aspittava tantu.
Mentri Acati susteni lu firutu
e fora campu si lu porta assemi
a Ministeu, cumplotta Turnu biecu
ch'é lu mumentu d'attaccari sodu
e non curanti di li patti regi,
s'allanza cu viulenza a fari stragi.
La genti cadi di na banna e l'autra,
pag. 153
