Page 143 - SicilianaEneide
P. 143
Lu vasa Febu ca di luci inonda
lu scudu ca risplendi e duna aspettu
d'arcana forza a tutta la pirsuna.
Cumpari Turnu alteru in armi, prontu
a dari fidi a la prumissa fatta
ma l'ummira l'ammanta e pari nenti
di fronti all'avversariu tracutanti.
Interventu di Giuturna
Ma spunta all'impruvvisu nta lu campu
Giuturna ca cavalca senza frenu
ed arringannu li latini dici:
- A li latini di la sula Ardea
parru, ca l'interessu sulu ad iddi
tocca. Cu', dissi, e comu stabilivu
ca sulamenti Ardea pagari devi
la paci cu li Troj mittennu comu
posta la vita di lu propriu regi?
Li Rutuli soltantu sunu chiddi
ca ficiru la guerra a li Trujani?
Cu dici ca pi nesciri d'impacciu,
la vita s'havi a dari d'unu sulu?
Immaginati nta stu locu 'n-cignu,
d'un assaltanti sulitariu falcu
preda, mentri d'attornu li cumpagni
stannu guardannu fermi. Chi succedi?
Lu cignu mori! Ma si l'autri cigni
si levanu nto celu tutti assemi
cu l'ali aperti starnazzannu forti!
Chi succedi? Lu falcu scappa e salvu
resta lu cignu 'nsemi all'autri cigni!
Ordunqui c'aspittati? Non capiti
pag. 152
