Page 141 - SicilianaEneide
P. 141
chistu tu dici pirchì a mia nun cridi
capaci d'ammazzari stu fitusu,
vinutu p'arrubari ziti e regni.
Tu si' lu veru scogghiu di la guerra,
ca ti scantasti e poi mi sfiduciasti.
Tu si la cucca, ca richiama tutti
li mostri di l'infernu contru a mia.
Tu la jattura si' di to muggheri,
di la to figghia e di lu Laziu tuttu.
Ordunque manna lu messaggiu e mutu
resta luntanu di la me pirsuna,
ca sugnu prontu pi dumani prestu
a scinniri nto campu contru d'iddu
e farlu siccu comu si cunveni. -
L'ultima trama di Giunoni
La notti cupa ammanta terra e celu
e dispirata Giuno scinni in terra.
Lu sapi ca non poti interveniri,
ma di tramari nun s'arrenni fera.
Nto sonnu cala di Giuturna, soru
diletta e cara a Turnu, e ci rivela
d'iddu l'amaru Fatu dicritatu
lu jornu appressu duranti lu duellu.
Ad idda scuraggiata Giuno dici
ca l'unica salvezza pi so frati
é lassari da parti ssu duellari
e ripigghiari a guerra senza menu.
Febu ritorna cu lu carru d'oru
Priparativi di lu duellu
A surcari lu celu e lu precedi
pag. 150
