Page 150 - SicilianaEneide
P. 150
Tantu bastavu ca la spada in gola
cu forza ci cacciavu ed iddu persi
assemi vita e rantulanti vuci.
Conclusioni
Finisci daccussì sta storia antica,
di la cunquista turca di lu Laziu.
Cunquista chissa ca nun fu cunquista,
ca cunquistati foru l'invasuri.
Comu Giunoni vosi c'avvinissi,
Roma nasciuta vinni distinata
a divintari eterna e cunquistari
puru la genti ca la cunquistava
cu spadi, cu cannuni e cu bumbardi
ed oggi ancora vinci cu' l'avversa
e stidda resta di suvarana luci,
ca tuttu chiddu ca riluci in terra
di Roma porta impressu lu carisma.
pag. 159
