Page 122 - SicilianaEneide

confederati di lu Laziu tuttu.
Giunoni gongolanti lu scenariu

guarda e già pensa ca vincivu Turnu,

ma d'impruvvisu nta lu ciumi Tebru
na flotta cumparivu di tuscani,

guidata a centru da li navi lici,

chini d'arceri ed autra truppa,

ca non sulu Tarconti puru Pisa,
Chiusi, Cereta, l'Elba, Populonia

e Mantua a frotti s'accudaru contru

l'ostili populu latinu e Turnu.
Puru Pallanti avanza nta lu boscu

cu li cavaddi e li surdati etruschi.

L'Anchisidi lu scudu in susu leva
contru lu suli riflittenti e grida;

'n-lampu si vitti nta lu celu comu

si Giovi pluviu a scunquassari stassi
e celu e mari ca l'orditu scudu

centuplica la luci di lu suli.

Lu gridu trova rispundenza pronta

tra l'assaltati schieri nta lu lidu
ca contrattaccu sferranu viulentu.

Turnu s'avvedi di li navi e grida:

- N'assisti Giovi ca lu lazzaruni
ni manna friscu friscu nta la riti!

Supra lu bagna-asciuga havi a muriri

assemi a li briganti comu ad iddu. -

Però non sapi ca stu bagna-asciuga
di l'itali cuntradi nun é bonu

pi fari risistenza a cu' ci arriva,

ca si capivu sulamenti quannu

pag. 131