Page 123 - SicilianaEneide

Benitu fascistuni lu scuprivu!
Indi na squadra manna risuluta

contru la prima navi ca s'accosta

e si sfascia 'mpicannu nta li scogghi.
S'adduma nta la ripa na battaglia

tra Rutuli c'assaltanu ed etruschi

ca vomita la navi in sichitanza.

Enea prutettu di lu scudu accurri
e cu la spada attornu stragi faci.

Sutta li colpi di la santa spada,

Lica, Terone, Gia, Faru e Cisseu
morti stinnuti restanu nta terra.

Ribbummanu nto scudu i setti dardi

da setti frati assemi rifilati,
ca Veniri pinsavu a cuncintrarli

nta ssu fatatu puntu, nonostanti

di Giovi surdu e mutu lu decretu.
Morti di Pallanti

Nta nautru puntu di lu lidu Alesu
accurri assemi a Messapu giganti

contru Pallanti e l'Arcadi assaltanti,

ca venunu bluccati ed anzi arreri

spingiuti sunu cu l'astati ferri.
Pallanti allura li rincora a vuci,

Lagu trafiggi, Isbone e li gemelli

Timbru e Larudi. D'impruvvisu Lausu
lu squadra di luntanu ed iddu puru

torvu lu guarda. Currunu li dui

circannusi a vicenda pi pugnari,

ma lu distinu ca d'iddi già sapi
la sorti, l'alluntana senza menu,

pag. 132