Page 99 - SicilianaEneide

li corna sentiri si pungi e fremi.
Non po' Latinu ad iddu svalutari,

ch'é re putenti, viciniori e pari,

dannu la figghia e la curuna puru
ad unu ca scappannu jeva e fama

minnicu lu vuleva e dumanneri.

Cu la raggia c'annorba la so menti,

dopu na notti insonni e turmintata
guerra dichiara a lu vicinu ziu

pi la smaccusa scelta e stabilisci

di rigittari a mari li trujani,
ma senza navi, c'abbruciari voli!

Allettu sobilla li viddani

Allettu dopu nta l'agresti situ,

unni accampati li Trujani sunu

si reca risuluta e Julu spingi
a caccia nta lu boscu dda vicinu,

unni viveva libiru e filici

domesticu nu cervu caru a Silvia,
picciotta schetta nota e rispittata.

Cu na freccia di Julu nta lu ciancu

lu cervu torna a la patruna e mori.

La genti muzzicata, pi stu fattu,
d'Allettu ca fumenta, accetti pigghia

furcuni ed asti ed assicuta Ascaniu.

La trumma sona di la guerra in campu
l'orrenda Allettu e già latini e troi

di fronti sunu cu li spadi in manu.

Li primi morti, ca latini sunu,

purtati sunu o re Latinu, mentri
Giunoni sudisfatta Allettu chiama

pag. 108