Page 97 - SicilianaEneide

ca 'mpidisci all'umani di guardarla,
nta reggia tumma di Latinu a corpu.

Pigghia di pettu la rigina Amata

e dalla testa so nu scussuneddu
ci tira tra li minni discuperti,

ca muzzica silenti e di vilenu

Latinu cuntistatu

la llinchi tutta para. La mischina

duna di testa allura ed a lu re

cuntesta lu trattatu cu li Troi.
- Ma chi si scemu, dici, ca dunari

voi nostra figghia a st'omu ca scanusci,

a stu pirata veru ca a Didoni
l'onuri ci livavu e forsi morta

apposta vosi la muggheri a Troia?

Pirchì sta mala parti a Turnu fari?
Iddu é rignanti e vicineddu nostru,

menzu parenti e grecu pi materna

stirpi, si propriu nu stranieru voi
tu dari pi maritu a nostra figghia.-

Latinu la zittivu in malu modu

ca nta ddi tempi cumannava l'omu

non sulu nta li reggi ma 'nfamigghia.
Ribellioni d'Amata muggheri di Latinu

Allura Amata d'odiu supirchiata
da reggia nesci e strati strati curri

gridannu a cannarozzu chinu e chiaru

ca re Latinu divintavu pazzu
ed é zimbellu di pirati Troi,

c'ad arrubari fimmini su' pronti.

pag. 106