Page 96 - SicilianaEneide

ca sulu chistu poti e nenti chiù.
Si celu lu pruteggi a chist'Enea,

videmu si l'infernu é tali e quali,

ca Veniri pintuta vogghiu sia
d'avirlu parturutu, comu fici

cu Paridi la matri tempu arreri!

All'antrasatta e senza diri nenti

a re Plutoni, nta lu 'nfernu scinni
e tra li mostri spavintusi cerca

d'Allettu e quannu la truvavu infini

cu d'idda la purtavu supra a terra.
Allettu nefasta

e dissi ferma: - O figghia di la Notti,
tu ca mi si suggetta pirchì sugnu

di Giovi la muggheri e puru dea,

di fora ti niscivu di l'infernu
pi dariti l'incaricu sulenni

di scinniri nto Laziu, ch'é serenu

e nun canusci lu putiri toi,
pi sburdiri li pupi comu sai,

ca vogghiu ca tra d'iddi li rignanti

scerri si fannu ed accussì Bellona

lu focu adduma immantinenti ddocu.
Tu libirtati e fama ci guadagni

ed iu minnitta portu a cumpimentu. -

Interventu d'Allettu

Allettu, grata a Giuno di purtari

supra la terra lu vilenu e l'odiu,
ca chistu sulu ad idda piaci fari,

nto Laziu curri e misu lu pastranu

pag. 105