Page 82 - SicilianaEneide

ca c'eranu d'attornu tanti genti,
c'a picuruni l'acqua di lu ciumi

vivevanu cuntenti dda vicinu,

ci dumannò a lu patri spiegazioni.
Anchisi dissi ca lu ciumi vistu

era lu Leti ca putenza aveva

d'astutari ricordu di passata

vita, si l'acqua bivi cu' a turnari
é distinatu novamenti in terra.

- Propriu di chisti, aggiunsi Anchisi patri,

ca distinati sunu a riturnari
supra la terra vogghiu ca tu senti

chiddu ca fannu e chi farannu 'n-jornu.

Lu vidi a chiddu ca s'appoggia all'asta?
Silviu sarà, ch'é sangu do to sangu;

appressu vidi a Proca, Numitori,

Capi e lu Silviu Enea, nta lu latinu
situ pussenti e saggi fundaturi

di li citati di Pomezia, Gabi,

Bela, Nomento, Cora e poi Fidene.

Appressu vidi a Romulu ca Roma
faci supra li setti colli e figghiu

di Marti é, ca la fera lupa addeva

assemi a Remu, divintannu regi.
Cesari ancora di la genti Giulia,

ch'é di to figghiu Ascaniu discendenti,

t'ammustru ca farà di Roma eterna

lu faru chiù splindenti di lu munnu.....-
Omini celibri di la futura Roma

Cuntinua Anchisi cu forbitu accentu
ad elencari l'omini e li fatti

pag. 91