Page 9 - SicilianaEneide

ad aggiustari veli e parapetti,
arricugghennu a mari li cumpagni

c'aveva straburutu la timpesta.

Attraccu in Libia

Iddu dopu d'attornu si guardavu

e vitti ca davanti c'era terra.
Circannu di luntanu di scupriri

'n-postu tranquillu p'attraccari prestu,

du' scogghi vitti ca lu mari chiusu

tinevanu tra d'iddi e senza ventu
ed eranu frunzuti e verdeggianti,

ricchi, pinsavu, certu d'acqua duci.

Li prori raddrizzò versu ssu postu
e cu sulerzia li ricurvi ligna

di li sfasciati navi in siccu misi.

Si vittiru li fochi di bivaccu,
ca li scampati s'addumaru tostu

e poi li stissi stravaccati in terra

e ripusari dopu tantu affannu.
La caccia

Additta sulamenti Enea ristavu,
ca vidiri vuleva siddu ancora

ci fussiru dispersi nta lu mari.

Guardannu attornu sulamenti vitti

tri cervi erranti nta lu boscu virdi
ca curunava ddu tranquillu postu.

Cu l'arcu tisu pi tri voti appena,

sicchi li fici comu nenti fussi.
Ancora nautri quattru n'ammazzaru

li cumpagni ca foru arrusbigghiati

pag. 7