Page 6 - SicilianaEneide

puteva lu vicchiuni, d'accussì
parra: - Cca vinni p'ascutari a tia,

quannu a li venti tu ci dici tostu

di nesciri di fora e scurazzari
pi terra e mari cu viulenza e comu

rintanari li fa lu to cumannu,

pirchì veru stinnicchiu mi pigghiavu

di sentiri lu sonu d'iddi fattu. -
- Nun c'é prublema! - dissi prontu u Diu

ed accussì dicennu lu purtuni

aprivu di la 'rutta e in siccu dissi:
- Iti, sfasciati tuttu senza pena

e riturnati quannu vi lu dicu,

ca la divina matri lu cumanna.-
La timpesta

Comu li lupi, c'affamati sunu,
vidennu 'n-ciaridduzzu ca camina

si tummanu currennu a precipiziu

sciancannu l'erba e lu ciurami attornu,
d'accussì curriu lu vintusu brancu

supra l'unni du mari ch'era chetu

e d'impruvvisu timpistusu fui.

Muntagni d'acqua cummigghiaru i navi,
ca tappi addivintaru di buttighia

senza guvernu e senza chiù li veli,

scicati e straburuti di li venti,
ca trinchillanti e cuntrastanti foru

pirchì tra d'iddi l'ordini nun c'era.

Currevanu li venti d'ogni latu,

ca non badavu lu plagiatu Diu,
comu autri voti, di selezionari

pag. 4