Page 10 - SicilianaEneide

ed accussì li setti navi foru
di carni frisca a scifu rifurniti.

Mentri lu vinu ch'era misu in serbu

accumpagnava l'arrustuta carni
e di li cervi i corna appisi foru

all'ara di Nettunu salvaturi,

d'accussì dici lu divinu Enea

ca già rumaneggiava nto parlari:
- Socii, qui cari fratres mihi sitis,

vos, qui Scillam et rupes Polifemi

vidistivus, qui multos dolores
patistivus et patiretis, precem

ad patrem Jovem levate et nolite

recessum dare disegnibus Fati,
qui Latii lidos nos tangere vult

ut propter nostros filios penatesque

civitas Romae caput mundi fuisset.-
Accussì dissi rincurannu Enea,

ca chiangi dintra li cumpagni persi.

Silenziu dopu nta l'accampamentu

scinnivu cu la notti e cu Morfeu,
mentri ca Giovi, l'occhiu benignu

ad iddu rivulgivu cu frastornu

pi chiddu ca Giunoni cumbinavu
e chiddu ca d'accantu ripiteva

Veniri figghia ca chiangeva puru.

Interventu di Veniri

- O Patri Santu, diceva la divina,

guarda quali misfattu fici ancora

dda bedda di Giunoni, to muggheri!
Nun ci bastavu ad idda di sciancari

pag. 8