Page 8 - SicilianaEneide

chiddi d'oppostu sensu e direzioni.
Guerra tra d'iddi c'era senza fini,

guerra furenti ca li navi investi

e li trascina comu cannavazzi
ca giranu nto funnu di lu sicchiu

quannu la cammarera l'arrimina.

Interventu di Nettunu

Lu scrusciu e lu burdellu foru tali

ca la littera stissa di Nettunu

accumincia a ballari sula sula
arrusbigghiannu lu varvutu Diu.

Iddu la testa fora di lu mari

leva furenti pi capiri infini
comu putissiru li venti fari

ddu gran casinu senza di l'assensu

d'iddu e di Giovi ca cumanna tutti.
Vitti a Giunoni cu la coscia nura

ed Eulu ginucchiuni ca sbavava

e subitu capivu lu mutivu.
Cu lu tridenti allura un corpu assesta

d'Eulu nto culu e ci ricorda tostu

ch'è sulu capurali di li venti

e, mentri in celu si n'acchiana Giuno,
l'ordini ad iddu perentoriu duna

di riattaccari in casa li so cani.

Lu mari si calmavu all'antrasatta
ed unni la timpesta c'era, la genti

a li ruttami appiccicata appari

di l'affunnati navi nta lu gorgu.

Enea, ca già chiangeva lu so statu,
curaggiu ripigghiavu e cuminciavu

pag. 6