Page 12 - SicilianaEneide

cu Lavinia si marita e re diventa
di lu latinu statu ed Albalonga

nasci ca to niputi Ascaniu fonda

ed in memoria d'Ilo, l'avu anticu,
Iulu si chiama ed esti lu principiu

di chidda genti Giulia ch'é rumana.

A sulu tri centanni di ssa data,

Giulia vestali a Marti du gemelli,
duna, c'addeva la rumana Lupa.

Chiddu, ca d'iddi Romulu si chiama

e diu Quirinu in celu poi acchiana,
jsa li mura, ca tracciò l'aratru,

di Roma granni, ca lu munnu temi

ed Ju ti giuru c'alla so putenza
nuddu cunfini ci po siri in terra,

c'Ateni e Sparta, tempu veni appressu,

ca calanu la frunti e li carini
davanti a Giuliu di trujana stirpi. -

Pruvvedimenti divini

Finutu di parrari, Giovi chiama

lu diu Mercuriu ca scinnissi in Libia

ed a Didoni, principissa tiria

ch'è di Cartagini suvrana, in sonnu
d'Enea parrassi e di li so cumpagni

senza svilari li disegni arcani

ca lu distinu tessi ed è segretu.
Ch'é caru a Giovi, ci dicissi puru,

st'omu ca va circannu patria e casa

e fu tradutu da li venti avversi

o forsi ddocu juntu pi distinu
a fari luci nta lu lettu scuru

pag. 10