Page 17 - SicilianaEneide

di Veniri lu figghiu arrispunnivu
seguennu lu cunsigghiu di la matri:

- In pace veni mulier mea tam fortis

quam pulcra, sed si tu queris magnam
pugnam me contra nimicos tuos ferre,

promptus sum ad te dare semper manus.-

E da perfettu cavaleri vasa

la manu ca purgeva la rigina.
Nun appena dda fimmina vasari

si vitti la so manu e nun sapennu

bonu lu diciri troicu-rumanu,
capivu 'n-soccu u cori ci diceva:

ca la vuleva pi "muliera mea"

vistu ca la so manu addumannava
e ch'era prontu certu ad accittari

cuncumitanza d'armi e d'autri cosi

nun appena mangiari si putissi,
vistu ca l'ura "queris ca si magna" .

Perciò lu fici tostu accumudari

nta l'atriu accantu apparicchiatu prima

pi fari banchittari lu truianu.
Si ci assittavu accantu suspirusa

e mentri rosi tutt'attornu spanni

e profumati essenzi primurusa
la servituti pirsunali sua

e Veniri li minni cu na manu

e cu l'autra li cosci ci cattigghia,

la vucca ci vasavu cu passioni.
L'eroi, ca giustu lu cumannu aveva

d'accuntintari sempri la rigina

ed arritratu si truvava inoltri

pag. 15