Page 13 - SicilianaEneide

ca sulu di Sicheu vitti lu chiaru.
Veniri stissa scinni in terra puru

e sutta furma di picciotta schetta

lu figghiu cerca tra li navi in siccu
e cu paroli di cunfortu parra

di la tuccata terra e di Cartagini.

Di la rigina Didu parra puru,

di comu fussi viduva ristata,
di lu maritu c'ammazzatu vinni

e comu ad iddu cunvinissi dari

cunfortu a sta rigina ch'era sula,
ondi a Giunoni non ci cunsintissi

di trappuli rifari e tradimenti

ed accussì putissi assai chiù forti
lu mari ripigghiari versu Roma.

Ci ripeti c'accortu si ni stassi

e di cuntenta fari la rigina,
di fari 'n-soccu dici, 'ns-occu voli

ca d'accussì Giunoni cunvincissi

ca Roma chiù non nasci e lu distinu

Cartagini vulissi genitrici
di la futura gloria di lu munnu.

Fu d'accussì ca, tantu la rigina

quantu lu regi ca scappannu jeva,
pascevanu nto cori lu disiu

di fari parimenti canuscenza.

L'incontru tra Enea e Didoni

Enea s'abbersa la curazza e l'elmu,

si lucida li cuturnati scarpi,

barba e capiddi pettina cu cura,
lu mantu russu supr'e spaddi metti

pag. 11