Page 5 - SicilianaEneide
P. 5
di la città nimica e fari tuttu
pi farli stari arrassu di lu Laziu.
Mentri pinsava la divina matri
ca scornu avissi avutu lu so Numi
si tuccari puteva sanu e salvu
Enea lu Laziu, vistu ca la Fama
a tutti ricurdava l'odiu anticu,
l'occhi pusavu ammeri la Trinacria
e vitti tostu ca li navi frigi
lassavanu pimpanti u mari arreri
puntannu drittu versu la Vitulia.
Giunoni cubulla. Eolu
China di raggia la putenti diva,
lu mussu s'attruccavu e si vistivu
cu la vesti chiù bedda e provocanti
e, comu fussi 'n-lampu-tronu, a tappu
nta li caverni d'Eulu si purtavu,
unni li venti rintanati stannu
sutta l'imperiu di lu vecchiu Diu.
Custrettu a stari ddocu pi l'eternu,
ca siddu s'alluntana regnu perdi
e putistà divina, stu mischinu,
ca fimmini non senti e mancu tocca,
appena vitti la divina matri
tutta apparata ca ci sta davanti,
si misi ginucchiuni e dumannavu
cosa putissi fari..... p'onorarla.
Giunoni allura seduzioni aggiunsi
a la putenza ca rapprisintava
e mustrannu li jammi, ca tuccari
pag. 3
