Page 48 - Lu stranu viaggiu

nun lava tutti li pinseri vecchi
e, janchi e netti, riturnamu in terra.
Vita n'aspetta ca nun canuscemu,
affetti novi e novu purtamentu.-

- De cosi ca mi dici accussì chiari L'occhiu di Diu
mi pari di capiri apertamenti
ca vidiri putiti sempri bonu
l'eventi di lu munnu stannu cca,

ma nun capisciu, dissi, comu e quannu.-
- Vinitimi d'appressu ca v'ammustru
stu purtintusu modu di sapiri.-
Nu quadru m'ammustravu tuttu jancu
e na tastera cu tanti buttuna
ca a mungiri cumincia cu sulerzia.
Lu quadru s'addumavu e cumparivu
a facci i so muggheri ca chiangeva.
A mungiri ritorna li buttuni
e vidu di Bicocca la stazioni.
Man manu ca tuccava la tastera

nto quadru cumpareva sempri novu
nu spicchiu di lu munnu ch'era fora,
precisu comu nta televisioni.
- Lu quadru ca tu vidi, dissi intantu,
é l'occhiu vivu di lu Patreternu
ca l'omu scupiazzavu e ripurtavu
nta lu munnu, dicennu ca invintavu.

- Carissimu Platuni, cca cunveni Sparruliamentu

ca ni firmamu chiù di tanticchedda
pirchì cu Umbertu vogghiu sparruliari
supra chiddu ca fannu i nostri amici
nta stu mumentu supra a terra, dissi,
perciò nun t'incazzari, statti mutu
e fammi curtigghiari in santa paci,
ca lu tempu pirdutu nun é vanu.
Addumamu ssu quadru pi favuri
e cumunciamu a vidiri chi fannu
sti nostri amici mentri nun lu sannu
d'aviri l'occhi appuntiddati i supra.

pag. 45