Page 52 - Lu stranu viaggiu

a 'n ufficiali di chiddi ca lenti,
a 'n novu diritturi generali,
a 'n cunsessu di novi rivisura
e cuntrollu du ministru pi jattura.
Hannu scopu finali sti cristiani
d'applicari pulitici cuncetti
ca sunu ritinuti santi e sani
nta li trasporti di lu trenu. Metti
ca casca lu guvernu e, sani sani,

chiddu novu riteni pocu retti
li cosi ditti e fatti pocu prima
pi lu sulu fattu ca 'un fannu rima
cu la nova pulitica lanciata,
pensa chi tirrimotu ca succedi!
Lu primu pensa giusta la putata
di rami sicchi e chiddu ca succedi
ni voli inveci giusta l'allungata.
A secunna di cu ti pigghia pedi
ti cangianu cunsigghiu, prisidenti,
diritturi, ministru, dirigenti....

Chddu ca m'addumannu e non capisciu
é comu l'Enti fa a ristari attivu
cu sta primissa di principiu lisciu.
Na vota ca di scelti sugnu privu,
é picca ma sicuru ca non crisciu
nta ricchizza e in società. Sulu vivu
tantu quantu cunsenti cu cumanna
ca detta quali musica e chi banna.
'Un é chistu l'Enti ca s'aveva a fari

sutta lu tiru di li guvirnanti,
fattu apposta, tantu pi 'un cangiari,
pi dari spaziu a li puliticanti!
Nenti di novu. Tuttu lu cangiari
consisti nta cagnara chiù frizzanti
ca già fannu partiti e sindacati
p'acchiappari li seggi appena nati.
Sta guerra accuminciata la guardamu,
capemu infini d'essiri futtuti.
Ristamu comu pisci appisi all'amu,
cu l'occhi sbalancati e straburuti,

pag. 49