Page 49 - Lu stranu viaggiu

Nto quadru cumparivu 'n omu siccu
ca riscireva i casci da munnizza.
- Finivu d'acchiappari, dissi Umbertu,
panuzzu duru, scarpi e panzarotti,
cucuzzeddi, citrola e pisci sfattu
chissu ca canuscemu troppu bonu!
Ora lu pani duru si prucaccia
pi li cani, circannu nta munnizza.
Figghiu nascivu du lammicu eternu

e da miseria senza capu e fini
ed ha giratu 'n saccu i voti e sempri
diventa chiù minnicu, tintu e pricchiu.
Ha statu ginuvisi tempu arreri,
Arpaguni na vota si chiamavu
ed ora, Jacitinu numinatu,
addeva cani nun spinnennu nenti
e li rivinni p'acchiappari sordi.
St'autru ca vidi cu birrittu russu
abbiatu nta la chiana di Catania,
tri punti si fa dari nta lu culu

pi nesciri na lira ca 'un si dici;
la promozioni aspetta ca 'un arriva
facennu sempri cunti e cunticeddi
e mori cu ssu fetu di carbuni.
Ora si vidi lu sissanta e passa
da graduatoria di la promozioni,
Grigoriu u Lisciu, ch'é chiamatu Carlu,
ca di tuttu e di tutti si ni futti,
ma ca ci sugnu gratu in viritati

pirchì li passi guida di me figghiu.
D'impruvvisu si vidi nta lu schermu
'n-quadrettu incurniciatu cu lu vitru,
unni tra bulli e firmi, beddu scrittu,
lu mottu "CAVALERI" ci si leggi.
Chiddu ca mustra lu quadrettu appisu
nto centru di lu muru va dicennu:
- Guardati chi c'é scrittu ddocu supra! -
Mentri sfuggenti s'intravidi appena
Ciccinu Cedda Liscia, di luntanu
cumpari dda gran facci di buttana

pag. 46