Page 44 - Lu stranu viaggiu

cu tuttu assortu calmu si ni stava.
Ognunu stava in paci e nun rumpeva
li baddi a cu ci stava accantu soru
o ca facissi cosa puru chissu.
Nuddu ca dici: sugnu persu e moru.
Nuddu ca chiangi e c'addumanna cosi.
Dissi Platuni beddu quattu e soru:
- Chistu é locu du Piaciri Sommu
pruvatu nta lu munnu ch'é diversu

di chiddu ca si prova in Paradisu
guardannu lu Signuri ca riluci.
Comu vidisti trattinuti prima
la malagenti nta prigiuni misa,
ora tu guardi l'omini chiù boni,
c'hannu a girari ancora 'n’autra vota
pirchì nun sunu ancora santi e giusti,
stari cca fermi chiù di quantu é dittu.
Lu Patreternu ci cuncessi ad iddi
di godiri tanticchia i Paradisu
prima di riturnari in terra afflitti.

Si santi ancora 'un sunnu, picca manca!
Tu stissu poi guardari quantu sunu
frischi e giummuti nta stu postu amenu,
ca parunu d'Agneddu la figura,
chiddu ca tartagghia arreri o scannu
e quattu staci supra a seggia assisu
e pari ca ci sciddica d'incoddu
l'acqua ca chiovi in terra a catinelli.
Di tantu in tantu nesciunu di fora,

si tummanu nta vasca ch'é chiù avanti
e passanu u canceddu di l'uscita
pi riturnari in terra comu aceddi.
Si chiù ti aggrada parra cu qualcunu
e pigghia insignamentu i quantu senti,
ca riturnannu in terra t'arricordi
di cosi veru beddi e di valuri.
Periculu nun c'é d'imprusaturi! -

L'occhiu, ca 'un era stancu di guardari, Pirsunaggi
supra na testa d'oru platinata ca foru ...

pag. 41