Page 39 - Lu stranu viaggiu

vinni rinchiusu da lu Patreternu,
ma nun finisci ancora i fari trazzi
e cerca d'imbrugghiari lu Signuri.
Furbu e curnutu supra a terra scinni
di tantu in tantu trasfurmatu in omu
e guerri e stragi t'organizza a pilu.
Cca dintra é megghiu ca 'un trasemu mai:
arrassu ni cunveni ca passamu. -
Pighiammu a manu manca e tunnu tunnu

furriammu a ddu casteddu ch'era granni
e spavintusu e privu di finestri,
ca l'ossa m'agghiacciaru tutti pari.
Capivu ch'era chista la cintrali
di cosi troppu tinti e d'ogni mali,
ca supra a terra sentu tutti i jorna.
Vitti a Platuni ca faceva cruci
comu quannu si trasi nta li chesi
e lu scunfortu vinsi cu ssu signu.

Ma d'impruvvisu supra lu purtuni Lu Dimoniu

lu Dimoniu in pirsuna s'apprisenta. ca parra
Cu vuci cavirnusa dissi forti:
- Nun ti scantari, 'un fari cruci, scemu!
Ju fazzu parti di lu munnu e vivu
pirchì lu Patreternu lu cumanna
e dariti accussì la libirtati
di fari beni o mali comu voi.
S'ascuti sulu chiddu ca ti dicu
ti fazzu divintari riccu e granni.

Ssa speci di bizzoccu ca ti porta
a zonzu tra li morti e pari 'n cuccu
e beccamortu ca nun senti e vidi,
ca cunta minchiatuni a non finiri,
Platuni dicu, assummurusu e bestia,
nun ti cuntavu ch'é puliticanti.
Iddu parravu di statu perfettu,
di vecchi c'hannu a cumannari sempri,
di chiddu ca s'ha fari pi scippari
cunsensu a li minchiuni comu a tia.
Sulu pi 'n pilu nun cascò in prigiuni,

pag. 36