Page 50 - Lu stranu viaggiu

d'Armandu cu la barba russa e janca.
La forbici nta vucca ci riluci
e tagghia e cusi comu fussi 'n sartu.
U cummannanti veni appressu rittu
comu fussi Mandraki pi davveru,
ca già tastavu lu varrili a bordu
ed accavadda notti accavaddati.
Starnazza Filiciottu ammazza treni,
mentri Giuvanni va jttannu vuci

ed arricorda, si nun lu sapiti,
ch'era mastru firraru all'Officina.
Ora Burghiba vidi nta lu meli
e lu Settoru ca spudugghia carti
mentri Samueli tutti li impidugghia.
- Attentu a chissu ca cumpari appressu!,
Diss'Umbertu cu l'occhiu vivu e spertu,
Guardalu attentamenti e nun parrari
ca chissu é farsu, alliccaculu e strunzu
e, comu dissi Danti nta lu 'nfernu,
nun vali mancu a pena di cacarlu.

Ora t'ammustru a Rambu cu l'ucchiali
ca, Diu ni scanza, rumpi menzu munnu
a corpa di telefunu assistati
e Mazzinga ca cu li carti a scifu
fa moviri li treni comu razzi
e di tagghiari testi 'un s'accuntenta
si nun li metti supra nappi d'oru.
Ora tu vidi a Padri Cuppuliddu
ch'é pinsiunatu friscu e lu Vampiru

e Mariu Trimulina e Turi Funcia
e l'omu giustu o postu giustu misu
quann'era in cacaticchiu p'acchiappari
e Paulu ca tigna e chiddu senza,
lu Scarcagnatu e Tanu dittu l'Orbu,
lu Scunchiurutu chinu di pumata
e Santoru lu pueta stravaganti.
'Mmeri Dittainu chiù nun canta a cucca
e mancu di schiticchi lu rumuri
si senti nta campagna attornu
di quannu Cicciu, inquadrittatu appressu,

pag. 47