Page 31 - Lu stranu viaggiu

e l'arma m'inundava di ducizza.
Sinteva ca d'arreri a tanta luci
c'era na fonti di ducizza arcana
mai vista prima supra di la terra
e 'n’orizzonti tutt'apertu e funnu
cu dintra cosi novi, granni e santi.
Quannu lu virdi trapuntatu i luci
davanti all'occhi si livavu tuttu,
na palla vitti immensa i focu vivu,

ca l'occhiu nun puteva suppurtarla.
Ma quannu l'occhiu s'assuppò la luci,
dintra d'idda mi parsi di vidiri
Cristu in pirsuna ca prigava a centru,
tinennu tra li manu pani e vinu.
- La "missa in cena Domini" cilibrata
tu sta vidennu avanti all'occhi to,
dissi Platuni avanti ca parrassi,
Mettiti a ginucchiuni e siddu cridi
nun c'é cosa chiù granni ca tu vidi.
Si Pani e Vinu biniditti in terra

tu mangi e bivi cu spiranza e fidi,
d'eternu vesti la to menti e l'arma.-
Attornu a Cristu cilibranti missa
l'Apostuli tinevanu fistinu
e la Madonna e San Giuseppi puru
guardavanu lu figghiu rilucenti,
mentri varbutu e cumpiacenti i supra
lu Patreternu prufunneva a tutti
la forza arcana di lu Santu Ciatu.

Comu puteva nun ristari fermu
davanti a Diu ca diceva missa!
Terra mi fici prustirnatu in terra
e dissi cu trimanti vuci e cori:

- O Patri nostru, ca nto celu stai, Priera di lu
astutami la fami d'ogni jornu, Patri Nostru
pirdunami i piccati e dammi forza
di pirdunari a cu mi voli mali.
Duna la paci supra di la terra
e lu to nomu santu in vucca abbunni

pag. 28