Page 26 - Lu stranu viaggiu

ma lu vuciari fermu di Platuni
la vuci mi firmavu e puru u passu.
- E' inutili ca curri e parri invanu!
Lu statu ca t'attrovi nun cunsenti
d'abbrazzari sti santi ca tu vidi.
Lu sacciu ca ti foru cari in terra,
ma tu santu non si’, poviru fissa,
e tempu e giri tu n'ha fari assai
avanti d'agghicari a santitati.

Lu veniri cca dintra t'é cuncessu
p'amuri di la sula fantasia;
perciò nun t'allanzari e tira avanti.-
Siccomu taddarita ca s'arresta
davanti all'impruvvisa luminaria
e torna arreri spavintata e persa
nta chidda luci ca l'abbaglia tutta,
d'accussì mi firmavu e retru passu
fici, pirchì l'istintu e lu vuciari
mi ficiru scantari immantinenti.

Ancora lu scunfortu 'un era quetu Li prufeti
ca vitti di luntanu 'n saracinu,
vistutu comu 'n pupu di Don Biagiu
cu 'n-saccu di muggheri pi d'arreri,
ca trabbaccava a turnu senza sbagghiu.
- Stamu agghicannu in menzu a li Prufeti,
dissi Platuni cu la vuci duci;
cca sugnu misu a godiri la paci
'nsemi a la genti di valuri e pisu,

ca in vari modi e lingui senza scantu
e cu fidi parraru du Signuri.
Chissu ca pari zimmuru infuddutu
e munta li muggheri ad una ad una,
"ALLAH" chiamavu lu Signuri in terra
e fici liggi granni ca rispetta.
Si l'occhiu spingi chiù luntanu,
tu vidi a Budda ca si tocca a panza,
lu Farauni di l'anticu Egittu
ca nta lu suli vitti lu Signuri,
li Patri Santi di la Bibbia tutti

pag. 23