Page 25 - Lu stranu viaggiu

nu certu Wighilandu, mastru d'arti,
ca 'un é famusu a Roma e mancu in Grecia.
Na vita travagghiannu cu scarpeddu
ad Oslu st'omu cu custanza e forza
e disignannu carti supra carti
ed abbirsannu petri supra petri
la copia esatta fici di sta chiazza.
Chiù di ducentu voti ripassavu
la porta ca passasti st'omu granni,

ma dopu ca rifici st'opra immensa
nta terra chiù 'un turnavu pirchì santu
lu vosi u Patreternu in Paradisu.

Mentri la chiazza mi lassavu arreri Me matri
na fimmina mi parsi di vidiri e me patri
ca tineva pi manu a me patruzzu.
Era me matri, santa tra li santi.
- Nta stu buschettu ca ti sta davanti,
dicia Platuni sempri camminannu,
Amuri e Morti triunfaru insemi. -

Iddu parrava, ma nun l'ascutava,
ca tutti s'abbluccaru li me sensi
e l'occhi si lincheru di cucenti
chiantu e la menti chiù 'un raggiunava.
Lu cori m'arraggiava di duluri
pirchì nta menti riturnava a chiovu
l'amaru spinnu e la spiranza persa
di jorna ca passaru senza fini.
Nto lettu arrusicata di lu mali,

astutari ti vitti alleggiu alleggiu,
o me matruzza, senza la spiranza
di vinciri la morti e lu duluri
e tu, patruzzu, cridiri 'un putevi
ca lu distinu ti vuleva sulu.
Picca tempu la morti vi divisi,
c'amuri vi trattinni sempri assemi
e la balata ca cummogghia l'ossa
lu friddu cancillavu di la morti.
La vuci tartagghiava nta la gola
mentri curreva versu d'iddi lestu,

pag. 22