Page 32 - Lu stranu viaggiu

di l'omini putenti e de mischini.
Non sugnu dignu di guardarti in facci,
pirchì mi sentu piccaturi e persu,
ma cridu e cercu sulu anuri e paci.-
Sinteva in pettu na ducizza nova
ca diciri non pozzu cu paroli
e si Platuni nun m'avissi smossu
ancora fussi ddocu a rimirari
l'eterna corti di lu Patreternu.

Nta na latata di la palla vitti,
guardatu a vista di l'Evangelisti
lu Santu Libru di la Bibbia scrittu
in modu tali ca leggiri puteva
a littri granni i so paroli santi.
A vuci forti 'n’angilu diceva
sti paroli ca intisi cu stupori:

- Lu Patreternu 'n’jornu si stuffavu Lu cuntu di
di svulazzari supra di lu nenti la Criazioni
cu l'ali aperti comu aceddu in volu

e nun avennu propriu nenti i fari
tutta na vota pinsavu di criari.
Lu primu jornu cu 'n suspiru sulu
fici la luci e jornu e notti foru;
la secunna jurnata mari e celu
tuttu di 'n corpu netti scumpagnavu;
lu terzu jornu la terra siparavu
du mari e la vistivu d'erbi frischi,
di pianti, siminzeddi, frutti e fogghi;

lu quartu jornu suli e luna, stiddi
e nuvuli impicavu nta lu celu;
lu quintu jornu cu 'n ciatuni sulu
di pisci u mari e d'acidduzzi u celu
linchivu tutti e giniranti puru;
lu Patreternu nun s'accuntintavu
di chiddu c'avia fattu finu allura
e la sesta jurnata a didicavu
a la criazioni di l'armali in terra.
Dopu ca fici tutti quanti i speci,
c'ancora avemu d'animali o munnu,

pag. 29