Page 16 - Lu stranu viaggiu

l'amuri vidu fattu Paradisu.
Dopu lu sonnu m'avvinciu la menti,
mentri guardavu in susu l'angileddi
vulari in celu tra li stiddi vivi.
Lu scuru mi tummava nta la menti,
ma notti 'un c'era a mia d'attornu ddocu
pirchì l'Eterna Luci sempri viva
sti cuntradi inchiarisci totalmenti.
Ventu ca in primavera ciuscia duci

supra li ciuri profumati e tisi
e spanni a ciumi tutt'attornu paci
e sbrigghia li pinseri addumisciuti,
m'accarizzò la facci e l'occhi aperti
turnarunu a guardari a me cumpagna.
Di sutta a lu linzolu scumpunutu
guardai lu pettu d'alabastru puru
e cinqu jta ci stampai d'affettu
e finu a quannu l'occhi nun grapivu.
- O Grazia, dissi di l'Eternu Amuri,
Tu ca lu cori m'addumasti e focu

mi versi nta li vini cu ssu sguardu,
allargami ssi vrazza, 'un ti scantari,
ca nun c'é rimorsu nta lu dari amuri
siddu é sinceru e 'un havi farsu scopu.
Dammi la manu e fammi cumpagnia
mentri caminu pi sti strati novi
pirchì s'annunca sugnu sulu e persu! -

E mentri ripigghiammu a camminari Platuni ca

la luci mi culpeva nta la frunti. chiarisci.
A taliari d'intornu accuminciai
comu a chiddu ca guarda e nun capisci
e forsi ancora fussi dda a guardari
comu 'n’alloccu e nun putissi diri
li cosi ca vi dicu, si 'un avissi
aiutu avutu di 'n novu pirsunaggiu
varvutu e jancu ca mi vinni incontru
e dissi: - Peppi nun ti frasturnari.
Sugnu Platuni, lu prufeta anticu,
ca vegnu a dari spiegazioni a tia

pag. 13