Page 11 - Lu stranu viaggiu

pirchì la so taliata mi truncò
la vuci nta la vucca e tra li denti.
Lu friddu mi pigghiavu ‘ntà carina
pi lu scantazzu ca ci aveva in cori
e chiù forti la manu ci stringeva
a la cumpagna di la me vintura.
- Suli suliddi tra li morti semu! -
Ci dissi cu la vuci modda,
ma ni cunveni ca nun ni scantamu

e jemu avanti comu dissi Petru.
M'arrispunnivu d'idda l'occhiu calmu
ca mi cimmò lu cori immantinenti.

Mentri m'avviavu a manu dritta, vitti Muvimentu di gente
tutta 'n’immensa fudda di cristiani ca trase e nesci
ca traseva di ssu latu e d'animali.
Vitti vecchi, picciotti e picciriddi
di li dui sessi e d'ogni razza insemi
trasiri muti muti nto canceddu.
Ognunu era vistutu cu li robbi stissi

di nostri tempi d'ogni razza e stirpi
e l'animali puru d'ogni speci
stavanu 'nsemi ad iddi in prucissioni.
Mai fudda vitti nta me vita tali
a chista ca mi stava innanzi strana,
mancu davanti o Vaticanu quannu
lu Papa binidici cu la manu
e "l'Urbi" e "l'Orbi" ammunziddati assemi.
Davanti a lu canceddu vitti l'ali

di 'n’angilu c'aveva tra li manu
nu bullu ca marcava cu traseva.
D'istintu mi vutavu pi guardari
l'autru canceddu di la manca e vitti
na culonna di genti e d'animali
di tutti i speci e pilu ca nisceva.
Ma mentri cu traseva era vistutu,
cu nisceva era senza robbi incoddu.
Nun sacciu s'atu vistu mai 'n turrenti
curriri drittu nta na chiana e tostu
curvannu ripigghiari oppostu corsu

pag. 8