Page 12 - Lu stranu viaggiu

di supra a 'n’apparecchiu oppuru rivu
di presepiu nta na grutta trasenti
e di 'n’autra niscenti opposta parti.
Tali li dui culonni oppostu versu
e sensu avianu nta lu bagghiu vastu
e lu canceddu a centru divideva
li dui ciumari cuntrastanti e vari
e regula mitteva nta trasuta
e nta nisciuta di li dui latati.

- Ragiuni, dissi, ca nta menti stai Misteru e mutteggiu
dunami spiegazioni di stu fattu!
Stu trasi e nesci nun capisciu bonu.-
La me cumpagna ca capiu l'ambascia,
- Ni sacciu quantu a tia, m'arrispunnivu,
Lu trasi e nesci nta la vita piaci,
s'é fattu bonu! D'accussì speriamu! -
Lu muttiggiari argutu mi distrassi
di sti pinseri c'avia nta la testa
e, comu na frascagghia nta nu rivu,

nta culonna m'abbiavu di trasenti
trascinannu d'appressu a me cumpagna.
La fudda di la genti m'agghiuttivu,
ma toccu nun sinteva d'autri corpi:
La genti ca videva ni era priva.

Vivu m'intisi infini tra li morti Geografia de
pirchì liggivu supra lu canceddu: l'autru munnu
" O MORTI CA TRASITI 'UN VI SCANTATI

PIRCHI MORTI NON SITI! CCA' VINITI
'NTO MUNNU DU SIGNURI PI' GUDIRI."
Siccomu sacciu ca lu mortu é mortu,
pinsavu giustamenti ca curaggiu
vuleva dari dda scrittura ambigua
a cu pirdivu la tirrena vita.
L'angilu marcaturi mi squatravu
e dissi tostu: - D'essiri marcati
nun c'é bisognu, camminati avanti
ca l'ordini precisu u Patreternu
detti di farivi passari cu lu corpu.-

pag. 9