Page 9 - Lu stranu viaggiu

e fui Caronti e prima 'n’autru ancora! -
Comu 'n’aceddu ca vulannu in celu
ed armuniusi movi l'ali aperti,
ma d'impruvvisu stramma pirchì 'ntisi
'n-tremendu tronu, d'accussì 'ntrunai
a ddu parrari ca 'un aveva sensu!
- Lu capivu ca nun capisti nenti,
dissi San Petru in siccu, tira avanti
ca chiù tardu capisci tutti cosi.-

A camminari accuminciammu allura Lu bagghiu cu
nta nu bureddu longu ch'era tali li tri canceddi
ca lu pedi d'arreri stava in susu
e chiddu avanti jusu, finu o puntu
ca tutti dui li pedi foru i stissi.
Na grutta, anzi nu bagghiu, cumparivu
all'occhiu, ch'era stancu pi lu sonnu,
e luci immensa comu quannu a sira
s'addumanu li lampi pi la festa
di lu santu patrunu nta li strati.

Vitti in funnu a lu bagghiu tri canceddi.
Chiddu di centru, ch'era lu chiù granni,
era tuttu intuppatu pi d'arreri
di 'n’muru circulari e spaziu vastu
lassava nta l'internu tuttu apertu,
unni na seggia c'era cu nu scannu.
D'Angiuli puddastruni dda davanti
ci stava tutta na legioni additta
ca dava l'impressioni di guardari

li dui canceddi ch'eranu di ciancu.
Cu lu surdatu ha fattu, certamenti
havi cuntizza di li sintinelli
ca sunu sempri misi pronti all'erta.
Tali mi parsi dda gran frotta d'ali.
Davanti a lu canceddu Petru dissi:
- Ora vi lassu ca lu me travagghiu
'un é chiddu di v'accumpagnari dintra.
Pigghiati a manu dritta ca 'un sbagghiati.-
E dopu nta la seggia s'assittavu.
- Ma, Petru, dissi, ... e chiù non dissi nenti

pag. 6